[center]
دكيت باب الوطن وابوابة مسدودة
من فتح بابة الوطن نزلت دمعاتة بخدودة
صب الدمع واشتكة من دون ما يحجي
صعبة علية من شفت عين الوطن تبجي
اه ياوطنة الحلو راحت حلاتك وين
راحت وصارت قطع سودة عالحياطين
اه ياوطنة الحلو يازين ياغالي
مو انتة الاول جنت ليش اصبحت تالي
الناس جانت قبل تتوسل اتشوفك
هسة صفت بالعكس تتوسل اتعوفك
ابجي على بلدي ابجي على بغداد
على المتحف ابجي انة عالتاريخ والامجاد
ابجي على الصحفي ابجي على الفنان
عالماي ابجي انة عالاشجار والاغصان
ابجي على القتل مابين هالخوان
ابجي انة عالغدر وعلاسة الجيران
ابجي على مذهبي ابجي على ديني
عالقبلة صار الذبح بيد المخاويني
نذبح بعضنا ذبح والاجنبي المحتل
نتوسلة ببلد يبقى ولايرحل
السبب خوف الشعب من حرب اهلية
من معركة قادمة سنية شيعية
المن يكون النصر والمن يكون التاج
ويامذهب الينتصر وتحج له الحجاج
من يا ترى المنتصر لوفاض بينة السيل
ولكم ترة المنتصر امريكة واسرائيل
هذا العراق الحلو بيه الزمان اندار
لونار هسة طفت تشتعل باجر نار
الليل ذاك الحلو اليجنن بغداد
اصبح يضيك الخلك وايامة ماتراد
الماي ذاك العذب ماعاد نفس الماي
روجاتة يبجن دمع واحزانة بيهة هواي
الصار بينة وجرى مايخطر على البال
وموكل بجي ينبجي ومو كل حجي ينكال
بسبب وبلا سبب نتكاتل على المال
ونسينة عدنة وطن واجروحة بيه هواي
هذا العراق الحلو ماغيرة حبينة
بغداد بيت الاهل ولبي تربينة
شاف العراق الحلو من هموم اشكال
ويامة انجرح هالوطن بس مابجت عينة
نصحونة ياما بشر نرحل بغير بلاد
وماعفنة هذا البلد ونحبة ضلينة
بس خايف يضيع الوطن مابين هذا وذاك
شيعوضة النة الوطن لا مال لا املاك
نحتاج مال الدول وماتهدينة
بس لو طلبنة وطن ياهو الي ينطينة
موضوع: الشاعر عادل محسن (( دگيت باب الوطن )) تبچي والله 
26/12/2008, 11:25 pm
